وزیر اعلیٰ خیبرپختونخوا کے مشیر برائے اطلاعات بیرسٹر محمد علی سیف نے کہا ہے کہ 9 مئی واقعات پرجوڈیشل کمیشن بنانے پرمسلم لیگ ن کےاوسان خطا ہوگئے۔
9 مئی واقعات پر جوڈیشل کمیشن بنانے پر (ن) لیگ کی رہنماؤں کی تنقید بے جاہے، بےجا تنقید کا مطلب ہے کہ دال میں کچھ کالا نہیں بلکہ پوری دال کالی ہے، 9 مئی واقعات کو جواز بناکر حکومت نے پی ٹی آئی پر پابندی لگانےکی ناکام کوشش کی۔
9 مئی واقعات پرجوڈیشل کمیشن بنانے پرمسلم لیگ (ن) کےاوسان خطا ہوگئےہیں، (ن) لیگ کی جعلی حکومت خود بھی جوڈیشل کمیشن بنانے کےلیے تیار نہیں، عمران خان نے پہلے دن ہی کہا تھا کہ جوڈیشل کمیشن بنایا جائے۔
جوڈیشل کمیشن کی رپورٹ سے دودھ کا دودھ اور پانی کا پانی ہوجائےگا، جوڈیشل کمیشن کی رپورٹ (ن) لیگ کے سیاسی تابوت میں آخری کیل ثابت ہوگا، جوڈیشل کمیشن کی رپورٹ کے بعد حکومت کو ایک ایک زیادتی کا حساب دینا ہوگا۔