پنجاب کی وزیر اطلاعات عظمیٰ بخاری نے وزیر اعلیٰ اور خواتین اینکرز کی کردارکشی کے الزام میں یوٹیوبر عمر عادل کے خلاف وفاقی تحقیقاتی ایجنسی (ایف آئی اے) کو درخواست دے دی جس میں مؤقف اختیار کیا کہ یوٹیوبر عمر عادل نے اپنے وی لاگ میں وزیر اعلیٰ پنجاب اور دیگر خواتین اینکرز کی کردار کشی کی ہے۔
انہوں نے کہا کہ عمرعادل گندے انڈے کے نام سے یوٹیوب چینل کے شریک میزبان بھی ہیں، وزیر اعلیٰ پنجاب اور خواتین اینکرز کے حوالے سے گفتگو کرنے پر عمر عادل کے خلاف کارروائی کی جائے۔