لاہور(شوریٰ نیوز)نگران حکومت کو ہٹانے کی درخواست، الیکشن کمیشن اوردیگر کو نوٹس جاری،درخواست گزار کا کہنا ہےکہ نگران حکومت کا تقرر90روز کیلئےتھا،وقت گزر جانے کے بعدصوبائی کابینہ کی آئینی حیثیت ختم ہوچکی ہے،تفصیلات کےمطابقلاہورہائیکورٹ میں نگران پنجاب حکومت کو ہٹانے کیلئے دائردرخواست پر سماعت ہوئی، عدالت نے الیکشن کمیشن سمیت دیگرکو نوٹس جاری کرتے ہوئے جواب طلب کر لیا۔جسٹس شاہد کریم نے مقامی وکیل زمان وردگ ایڈووکیٹ کی درخواست پر سماعت کی ہے۔عدالت کی درخواست کو اس نوعیت کی دیگردرخواستوں کے ساتھ لگانے کی ہدایت کردی۔درخواست میں الیکشن کمیشن اور نگران حکومت کو فریق بنایا گیا ہے۔وکیل درخواستگزارکا کہنا ہے کہ نگران حکومت کا تقرر90روز کیلئےعمل میں لایا گیا،90 روزگزر جانے کے بعد نگران حکومت اور کابینہ کی آئینی حیثیت ختم ہوگئی ہے۔درخواستگزارنے استدعا کی عدالت نگران پنجاب حکومت کوعہدے سے ہٹانے کا حکم دے۔