سندھ حکومت نے صوبے بھر میں غیر قانونی ایل این جی اور ایل پی جی سلنڈرز کی دکانوں کے خلاف کارروائی کا حکم دے دیا،صوبے میں غیر قانونی ایل این جی اور ایل پی جی سلنڈرز دکانوں کے خلاف کارروائی کا فیصلہ حیدرآباد میں سلنڈر پھٹنے سے 27 افراد کی ہلاکت کے بعد کیا گیا، فیصلے کے تحت تمام ڈپٹی کمشنروں کو مراسلے جاری کردیئے گئے ہیں۔
مراسلے میں صوبے کے ڈپٹی کمشنروں کو حکم دیا گیا ہے کہ غیرقانونی ایل این جی اور ایل پی جی سلنڈرز دکانیں شہروں سے باہر منتقل کی جائیں، دکانوں کی انسپکشن کرکے ہر ہفتے رپورٹ پیش کی جائے،غیر معیاری سلنڈرز ضبط کر لیے جائیں، ایل این جی اور ایل پی جی دکانیں بازاروں اور اقامتی علاقوں سے دور منتقل کرائی جائیں۔