اس موقع پر ڈونلڈ بلوم نے وزیراعلیٰ پنجاب منتخب ہونے پر مریم نواز کو مبارک دی، امریکی سفیر نے عوام دوست پراجیکٹس پر تیزی سے عمل کرانے پر وزیراعلیٰ کی کاوشوں کو سراہا۔
امریکی سفیر ڈونلڈ بلوم نے کہا کہ امریکا غربت کے خاتمے، اقتصادی ترقی کیلئے پنجاب حکومت کے ساتھ مزید کام کرنا چاہتا ہے، وزیراعلیٰ کی عوامی فلاح و بہبود کے منصوبوں میں دلچسپی قابل ستائش ہے۔
دوسری جانب مریم نواز نے کہا کہ پنجاب میں امریکی سرمایہ کاری کیلئے محفوظ ماحول فراہم کریں گے، زراعت، صنعت، آئی ٹی شعبے میں امریکا کے اشتراک کا خیر مقدم کریں گے۔