اسلام آباد (شوریٰ نیوز)قومی ادارہ صحت(این آئی ایچ) نے کہا ہے کہ ملک بھر میں 24 گھنٹوں کے دوران کورونا وائرس کے9کیس رپورٹ ہوئے اور 8 مریضوں کی حالت تشویش ناک ہے۔ جمعرات کو این آئی ایچ کی جانب سے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار957 ٹیسٹ کیے گئے جن میں سے9 افراد کے ٹیسٹ مثبت آئے،اس طرح مثبت کیسز کی شرح0.30فیصد رہی اور اس دوران کورونا وائرس سے کوئی ایک مریض جاں بحق ہوا جبکہ8مریضوں کی حالت تشویشناک ہے ۔ لاہور میں گزشتہ24 گھنٹوں کے دوران 264ٹیسٹ کئے گئے جن میں سے4 ٹیسٹ مثبت آئےاور وہاں پر مثبت کیسزکی شرح 1.52فیصد رہی ۔