وفاقی وزیر مواصلات عبدالعلیم خان نے شیخوپورہ میں موٹروے پولیس ٹریننگ کالج کی 14 ویں پاسنگ آؤٹ تقریب سے خطاب کرتے ہوئے کہا کہ سکھر اور حیدرآباد سے کراچی تک موٹروے بھی جلد مکمل کر لی جائے گی جو کہ ملکی ترقی کیلئے گیم چینجر ثابت ہوگی۔
انہوں نےکہا کہ ٹارگٹ سیٹ کرلیے ہیں، موٹروے اپنا بوجھ خود اٹھائے گی، مانسہرہ سے بابوسر ٹاپ، گلگت اور اسکردو تک موٹروے بنائیں گے۔
آئی جی موٹروے پولیس سلمان چوہدری نے کہا کہ وسائل کی کمی کے باوجود موٹروے پولیس شاندار کام کر رہی ہے۔
کمانڈنٹ ٹریننگ کالج ڈی آئی جی سید حشمت کمال کا کہنا تھا کہ یہاں پیشہ ورانہ تربیت کے ساتھ شخصیت سازی پر بھی خصوصی توجہ دی جاتی ہے۔
ایف آئی اے کے 100 اہلکاروں سمیت 289 پولیس افسران کی پاسنگ آؤٹ کی تقریب میں پاس آؤٹ ہونے والے بیچ کو ایک ماہ کی اضافی تنخواہ دینے کے اعلان کے ساتھ ساتھ دوران تربیت بہتر کارکردگی کا مظاہرہ کرنے والوں میں انعامات بھی تقسیم کیے گئے۔