آرمی تنصیبات پرحملہ آور بیشتر افرادزمان پارک میں ہیں، عامر میر

لاہور(شوریٰ نیوز) نگران وزیر اطلاعات پنجاب عامر میر نے کہا کہ آرمی تنصیبات پرحملہ آور بیشتر افرادزمان پارک میں ہیں ،پی ٹی آئی قیادت دہشتگردوں کوقانون کےحوالےکرے,تفصیلات کے مطابق آرمی تنصیبات پر حملہ کرنے والے 30 سے 40 افراد زمان پارک میں موجود ہیں۔ انہوں نے پریس کانفرنس میں کہا کہ چیئرمین پی ٹی آئی عمران خان ایک سال سے فوج اور اس کی قیادت کیخلاف ہرزہ سرائی کر رہے ہیں۔ تحریک انصاف غیر ریاستی عناصر کا روپ دھار رہی ہے۔ ایسا لگتا ہےعمران خان کےلیےملک میں کوئی قانون نہیں ہے۔ پی ٹی آئی کے کارکنوں نے سرکاری املاک کو نقصان پہنچایا۔ حملوں میں ملوث افراد کے خلاف سخت کارروائی کی جائے گی۔ خفیہ اطلاعات ہیں کہ آرمی تنصیبات پرحملہ کرنے والے 30 سے 40 افراد زمان پارک میں ہیں۔ پی ٹی آئی قیادت 24 گھنٹےمیں ان دہشتگردوں کوقانون کےحوالےکرے۔