میئر کراچی مرتضیٰ وہاب نے کہا کہ شہر میں ٹریفک کی روانی برقراررکھنے کیلئے ہفتہ وار انسداد تجاوزات آپریشن کرنے کا فیصلہ کیا گیا ہے۔
بلدیہ عظمیٰ ہفتہ وار انسداد تجاوزات آپریشن کرے گی اور آپریشن کا آغاز صدر، لائٹ ہاؤس، ایم اےجناح روڈ، بولٹن مارکیٹ سے ہوگا جب کہ آئی آئی چندریگر روڈ، نمائش، ایمپریس مارکیٹ اور کھارادرمیں بھی آپریشن ہوگا۔
سڑک پرکیبن، ٹھیلے، پتھارے اوردکانوں کے باہر سامان ہٹایا جائے گا، شہر میں بلا امتیاز انسدادِ تجاوزات کارروائیاں پورے ہفتے جاری رہیں گی۔
پہلے ساؤتھ، ضلع شرقی اورپھر ضلع وسطی میں کارروائی کی جائےگی جس کی نگرانی سینئر ڈائریکٹر عمران راجپوت کریں گے۔