عمر ایوب ، شبلی فراز، رؤف حسن اور اسد قیصر سمیت پی ٹی آئی کے 7 رہنماؤں کو بانی پی ٹی آئی عمران خان سے اڈيالہ جیل میں ملاقات کی اجازت مل گئی۔
اس سے قبل اڈیالہ جیل حکام کی جانب سے تحریک انصاف کے 11 رہنماؤں کو عمران خان سے ملاقات کی اجازت دی گئی تھی جن میں بیرسٹرگوہر، شعیب شاہین، شیر افضل مروت، فیصل جاوید، زرتاج گل، عمیرنیازی اور دیگر شامل تھے۔
عید کے بعد ہم اپنی تحریک شروع کر رہے ہیں ،گرینڈ الائنس کو حتمی شکل دے دی ہے، بانی پی ٹی آئی کا پیغام ہے ہمارے چُرائے ہوئے مینڈیٹ کیلئے جدوجہد جاری رکھنی ہے، وہ عدلیہ کی آزادی کے ساتھ کھڑے ہیں۔
عمر ایوب کا کہنا تھا کہ امید رکھتے ہیں سپریم کورٹ فل بینچ بنا کر ججز کے خط کی تحقیقات کرے گی،ججز کو دھمکی آمیز خطوط پر بانی پی ٹی آئی نے تشویش کا اظہار کیا ہے۔