وزیر اعلیٰ پنجاب مریم نواز نے شیخوپورہ کے چرچ اور مسیحی برادری کی بستی کا بھی دورہ کیا جہاں مقامی افراد نے ان کا پُرتپاک استقبال کیا جبکہ انہوں نے اپنی اور نوازشریف کی طرف سے مسیحی برادری کو ایسٹر کی مبارکباد دی۔
وزیر اعلیٰ پنجاب نے صفدر آباد کے گھروں میں جاکر مسیحی گھرانوں کو ایسٹر گرانٹ کے چیک پیش کیے، خواتین اور بچیوں کو گلے لگایا اور ایسٹر کا کیک بھی کاٹا۔
مریم نواز نے مسیحی برادری سے اپنے خطاب میں کہا کہ مسیحی برادری کی ملک کے لیے خدمات قابلِ تعریف ہیں،دوسری جانب پنجاب بھر میں صوبائی حکومت کی جانب سے 10 ہزار مسیحی خاندانوں کو 5 ہزار فی کس عیدی دی گئی۔