ریسکیو ذرائع کے مطابق حادثہ مرید کے جی ٹی روڈ راوی ریان یوٹرن پر تیز رفتاری کے باعث پیش آیا جہاں ایک ٹرک یو ٹرن لینے کے بعد بے قابو ہو کر کار سے جا ٹکرایا۔
اطلاع ملنے پر ریسکیو عملہ موقع پر پہنچ گیا، حادثے میں جاں بحق اور زخمیوں کو اسپتال منتقل کیا گیا۔
ریسکیو ذرائع کے مطابق حادثے میں جاں بحق ہونے والوں میں شہباز، ظہیر عباس، ارم شہزادی، عبدالوہاب، ایان اور ایمان فاطمہ شامل ہیں۔
ریسکیو ذرائع کے مطابق حادثے کے نتیجے میں نسیم، خدیجہ اور شمیم سمیت تین خواتین زخمی ہوئی، حادثے کا شکار خاندان ملتان سے گوجرانوالہ جارہا تھا۔