پاکستان تحریک انصاف کے رہنما بیر سٹرگوہر نے کہا کہ تحریک انصاف کو 150 سے زائد نشستوں پر برتری حاصل ہے۔
پولنگ اسٹیشن سے جو تفصیلات آئی ہیں ان کے مطابق 150 نشستوں پر برتری ہے، روٹین میں 12 بجے تک انتخابی نتائج آجاتے ہیں،الیکشن ایکٹ کے مطابق 2 بجے تک نتائج کا اعلان کرنا ہوتا ہے۔
ہمیں رزلٹ نہیں دیا جارہا، سپورٹر پر امن رہیں، فارم 47 تک سپورٹر آر او آفس میں ہی رہیں،کے پی کے اور وفاق میں اگلی حکومت بنائیں گے۔
واضح رہے کہ عام انتخابات کیلئے پولنگ کا عمل جمعرات کو صبح 8 بجے سے شام 5 بجے تک جاری رہا اور کروڑوں افراد نے اپنا حق رائے دہی استعمال کیا۔
ملک میں عام انتخابات میں پولنگ کے بعد ووٹوں کی گنتی اور ساتھ ہی نتائج آنے کا سلسلہ جاری ہے، پی پی اور پی ٹی آئی حمایت یافتہ آزاد امیدوار نے قومی اسمبلی کی ایک ایک نشست جیت لی ہے۔