الیکشن کمیشن آف پاکستان کے مطابق تینوں قومی پرنٹنگ پریس کے ایم ڈیز کو بھی اجلاس میں طلب کیا گیا ہے۔
انتخابات کے لیے بیلٹ پیپرز کی طباعت مکمل کی جا چکی ہے۔کچھ حلقوں میں دوبارہ بیلٹ پیپرز کی چھپائی کرنی پڑ رہی ہے ۔اس مرحلے پر درکار خصوصی سکیورٹی کاغذ کی دستیابی اور بروقت چھپائی کی تکمیل ایک بڑا چیلنج بن گیا ہے۔
2018 کے عام انتخابات میں بیلٹ پیپرز کی طباعت کے لیے 800 ٹن خصوصی سکیورٹی کاغذ استعمال ہوا تھا۔ 2024 میں حصہ لینے والے امیدواروں کی ایک کثیر تعداد کے پیش نظر 2170 ٹن خصوصی سکیورٹی کاغذ استعمال ہو رہا ہے۔
اب ان حلقوں میں بیلٹ پیپرز کی چھپائی کو تمام حلقوں کے بیلٹ پیپرز کی طباعت کے بعد بچ جانے والے خصوصی سکیورٹی کاغذ کی دستیابی سے مشروط کرنے کا فیصلہ کیا گیا ہے۔
تینوں قومی پرننٹگ پریسوں کے ایم ڈیز کو بھی فوری طلب کیا ہے تاکہ وہ کمیشن کو بتا سکیں کہ کیا وہ ان حلقوں کے بیلٹ پیپرز کی اس مرحلے پر دوبارہ پرنٹنگ بروقت مکمل کر سکیں گے۔