شہباز شریف نے بلاول کا نام لیے بغیر کہا تھا کہ ‘کل ایک صاحب نے نواز شریف کو مناظرے کی دعوت دی، وہ نواز شریف کو مناظرے کے بجائے سندھ کے معائنےکی دعوت دیتے تو اچھا تھا، مناظرہ بھی ہو جاتا اور موازنہ بھی
بلاول کا کہنا تھا کہ ‘میں مناظرے اور معائنےکے لیے تیار ہوں، میاں نواز شریف مجھ سے خیرپور گمبٹ میں مناظرہ کرلیں جہاں کا اسپتال پنجاب کےکسی بھی اسپتال سے بہتر ہے۔
یہاں علاج بالکل مفت ہے اور میاں صاحب نے تین بار وزیراعظم بننے کے باوجود بھی گمبٹ کا دورہ نہیں کیا یا وہ تھرپارکر آجائیں، وہاں کے انفرااسٹرکچر کا معائنہ بھی ہوجائےگا اور چولستان سے تھرکا موازنہ بھی ہوجائےگا ۔
بلاول نے کہاکہ تھر میں کوئلےکا منصوبہ جس کے آپ اور آپ کے بھائی مخالفت کرتے تھے، کراچی نہیں بلکہ فیصل آباد کو سستی بجلی فراہم کر رہا ہے۔
میاں صاحب کراچی کے این آئی سی وی ڈی کے باہر مباحثہ کرلیں جہاں گزشتہ برس پنجاب کے84 ہزار سے زائد افراد کا علاج ہوا جو اس بات کا ثبوت ہےکہ پنجاب کے اسپتالوں میں ایسی سہولیات موجود نہیں ہیں۔
راہ فرار اختیار نہ کریں، براہ کرم بتائیں کہ کس شہر میں اور کس تاریخ کو آپ کے بھائی نے مباحثہ کرنا ہے۔