شہباز شریف نےلیاقت باغ راولپنڈی میں جلسے سے خطاب میں کہا ایک سیاسی رہنما نےکہا کہ وہ نواز شریف سے مناظرہ کرنا چاہتا ہے، نوازشریف کو اپنے صوبے میں معائنےکے لیے بلاؤ پھر مناظرہ بھی ہوگا۔
موازنہ بھی ہوگا، 8 فروری کو فیصلہ ہونا ہے کہ کس نے خدمت کی اور کس نے دھکا دیا،پنجاب میں نواز شریف نے اسپتالوں میں مفت دوائیں دیں۔
دل پر ہاتھ رکھ کر بتائیں پی ٹی آئی نےکیا کیا؟ نواز شریف کو ایک بار پھر وزیراعظم پاکستان بنائیں، راولپنڈی کو لاہور نہ بنا دیا تو میرا نام شہباز شریف نہیں ہے، وعدہ کرتا ہوں نواز شریف کے خادم کی طرح خدمت کروں گا۔
نواز شریف نے لیاقت باغ میں جو وعدے کیے انہیں پورا کیا، نواز شریف کے میٹرو بس منصوبے کی مخالفت کی گئی، میٹرو بس پر آج ہر طبقے سے تعلق رکھنے والے سفرکرتے ہیں، نوازشریف کے منصوبےگنوانا شروع کروں تو شام ہوجائے گی۔