امیر جماعت اسلامی کراچی حافظ نعیم الرحمان نے پریس کانفرنس میں کہا کہ مسلم ممالک کی خاموشی اسرائیل کی طاقت ہے،ساؤتھ افریقا کو سلام پیش کرتاہوں جنہوں نے اسرائیل کیخلاف مقدمہ کیا۔
شارع فیصل پر بڑا غزہ ملین مارچ ہوگا، فلسطین کے مجاہد بڑی جنگ لڑ رہے ہیں اور غزہ کے لوگ لاشیں اٹھا رہے ہیں لیکن سودے بازی کرنے کو تیار نہیں۔
جنوبی افریقا کو سلام پیش کرتاہوں جنہوں نے اسرائیل کیخلاف عالمی عدالت انصاف میں مقدمہ کیا، فلسطین میں مسلسل بمباری ہو رہی ہے، روزانہ کی بنیاد پر فلسطینی شہید ہو رہے ہیں لیکن کوئی روکنے والا نہیں۔
دنیا بھر میں جو انسانی حقوق کی بات کرتے ہیں وہ سب خاموش ہیں، بڑی طاقتوں کے مفاد کے معاملے پر اقوام متحدہ خاموش رہتی ہے، اسرائیل کی طاقت مسلم ممالک کی خاموشی ہے۔
کچھ دنوں سے مسلم ممالک میں احتجاج ختم ہوگئے ہیں، پاکستان میں انتخابات کا سلسلہ چل رہا ہے، لوگ سیٹ ایڈجسٹمنٹ میں لگے ہوئے ہیں، ہم انتخابات کی مہم سے پہلے فلسطینیوں کے لیے احتجاج کریں گے۔
اسرائیل بہت بڑی دہشتگرد ریاست ہے، اسرائیل کے خلاف آواز اٹھانا ہمارے ایمان کا حصہ ہے، پوری دنیا میں با ضمیر انسان فلسطینیوں کیساتھ ہیں۔