یورپی یونین کی پاکستان کے لیے سفیر ڈاکٹر رینا کیونکا نے کہا کہ 50 سے زائد ممالک میں 2024 میں انتخابات ہو رہے ہیں، اس سال 2 ارب لوگ اپنا حق رائے دہی استعمال کریں گے۔
انہوں نے نجی میڈیا کے پروگرام میں کہا کہ پاکستانی تاجروں کے لیے سرجیکل آلات اور اسپورٹس گڈز بھی یورپی ممالک بھیجنے کے مواقع ہیں، خواتین کے لیے اضافی مراعات کا سوچا جا رہا ہے۔
پاکستانی بزنس کمیونٹی اور بزنس آرگنائزیشنز سے تجارت میں مواقع کے حوالے بات چیت ہو رہی ہے، جی ایس پی پلس خود مختار تجارتی رعایت ہے، پاکستان تاجر یورپی یونین کو ڈیوٹی فری سامان بھیج سکتے ہیں۔
پاکستان کے لیے ٹیکسٹائل ایکسپورٹ کرنا ہے، یہاں چمڑے کی مصنوعات، اسپورٹس اور سرجیکل گڈز کے بھی مواقع ہیں، پاکستان کے مختلف علاقوں کا دورہ کیا کبھی بور نہیں ہوئی، اس مرتبہ کراچی میں میرا فوکس ٹریڈ ہے۔
50 سے زائد ممالک میں 2024 میں انتخابات ہو رہے ہیں، اس سال 2 ارب لوگ اپنا حق رائے دہی استعمال کریں گے۔
گزشتہ چار الیکشن میں ہم نے انتخابات کے دوران آزاد مبصر بھیجے، پاکستان میں انتخابی مہم جاری ہے، اس بار بھی آزاد مبصر بھیجیں گے، امید ہے کہ پاکستان میں عام انتخابات صاف شفاف ہوں گے، یہ فیصلہ عوام کو کرنا ہے کہ وہ کسے منتخب کرتے ہیں۔