پنجاب حکومت نے اسکولوں میں موسم سرما کی تعطیلات بڑھادیں، نوٹیفکیشن میں کہا گیا ہے کہ اسکولوں میں موسم سرما کی تعطیلات 9 جنوری تک ہوں گی۔
نوٹیفکیشن میں کہا گیا ہے کہ پنجاب بھر میں سرکاری اور نجی اسکول اب 10 جنوری کو کھلیں گے،خیال رہے کہ پنجاب بھرمیں اسکولوں میں موسم سرما کی تعطیلات یکم جنوری کو ختم ہورہی تھیں۔
محکمہ تعلیم کا کہنا ہےکہ خیبرپختونخوا کے تمام اسکول یکم جنوری سے کھلنے تھے جو اب 8 جنوری کو کھلیں گے۔
خیبرپختونخوا کے محکمہ تعلیم کے مطابق سرد موسم کے باعث7 جنوری تک تمام سرکاری اور نجی اسکول بند رہیں گے،مراسلے کے مطابق چھٹیوں میں توسیع اساتذہ کی الیکشن ٹریننگ اور سرد موسم کی وجہ سےکی گئی ہے۔