پاکستان مسلم لیگ ن کے صدر شہبازشریف نے 2024 کے عام انتخابات کیلئے اپنے پارٹی منشور کی تیاری کیلئے عوام سے تجاویز طلب کرلیں۔
ن لیگ کے صدر شہبازشریف نے کہاکہ اندرون ملک اور بیرون ملک رہنے والے تمام پاکستانیوں کو دعوت ہے کہpmln2024.com پر جا کراپنی قیمتی اورقابل عمل تجاویز سے آگاہ کریں۔
مریم نواز نے کہا کہ مسلم لیگ ن کا عوام سے نہ ٹوٹنے والا تعلق ہی اس کی اصل طاقت ہے، شہری، پاکستانی قوم کی اجتماعی دانش کو ترقی کی حقیقی شکل دینے کیلئے اپنی تجاویز پورٹل پر ڈال سکتے ہیں۔
ن لیگ کے سیکرٹری جنرل احسن اقبال نے کہا کہ مہنگائی اور بے روزگاری کا خاتمہ مسلم لیگ ن کی اولین ترجیح ہے، تعلیم اور صحت کے شعبوں میں بہتری کو بھی منشور کا لازمی حصہ بنایا جا رہا ہے۔
احسن اقبال کا کہنا تھا کہ آئین کی حکمرانی، مہنگائی میں کمی، کرپشن کاخاتمہ اور شفاف احتساب کو منشورکا حصہ بنا رہے ہیں۔