شیخ رشید نے اسلام آباد جوڈیشل کمپلیکس میں میڈیا سے گفتگو میں کہا کہ 3 حلقوں سے الیکشن لڑنے کی خبر بے بنیاد ہے، قلم دوات کے نشان پر این اے 56 اور این اے57 سے الیکشن لڑ رہا ہوں۔
اس موقع پر شیخ رشید نے الیکشن میں بھاری اکثریت سے جیت کا بھی دعویٰ کیا، سپریم کورٹ نے 8 فروری کو الیکشن کرانے کی تاریخ دی اب کوئی گنجائش نہیں رہی۔
اللہ نہ کرے پی ٹی آئی کا سامنا ہو، پی ٹی آئی اور بانی پی ٹی آئی کے لیے چلہ کاٹا ہے، قربانیاں دیں اور میں نے اس کے خلاف کوئی بیان نہیں دیا۔
میں اصلی اور نسلی ہوں، پی ٹی آئی کے ساتھ ڈٹا ہوا ہوں، پی ٹی آئی اور عوامی مسلم لیگ شروع سے اکٹھے ہیں، ہم نے کیا سیٹ ایڈجسٹمنٹ کرنی ہے۔