پولیس ذرائع سے خبر سامنے آئی تھی کہ احتساب عدالت کے جج اڈیالا جیل سے عمران خان کے کیس کی سماعت سے واپس آ رہے تھے کہ ان کی گاڑی کے قریب مبینہ فائرنگ ہوئی،تاہم اب پنڈی پولیس نے واقعے کی تردید کردی ہے۔
ترجمان پولیس نے کہا کہ جج محمد بشیر کی گاڑی پر فائرنگ کی خبر درست نہیں، پی اے ایف چوک پر شایان نامی لڑکا اپنے عزیزوں کو زبردستی ساتھ لے کر جارہا تھا۔
پولیس نے بتایاکہ شایان کے عزیز اس کے ساتھ جانے سے انکاری تھے تو ملزم نے ہوائی فائرنگ کردی، ملزم شایان کو تھانہ ائیرپورٹ پولیس نے حراست میں لے لیا ہے۔
ترجمان پولیس کے مطابق احتساب عدالت کے جج محمد بشیر کی گاڑی فائرنگ سے قبل گزر چکی تھی،احتساب عدالت کے جج محمد بشیر سابق وزیراعظم عمران خان سمیت دیگر اہم شخصیات کے نیب کیسز کی سماعت کر رہے ہیں۔