سپریم کورٹ نے لاہور ہائیکورٹ کا ریٹرننگ افسران اور ڈسٹرکٹ ریٹرننگ افسران سے متعلق لاہور ہائیکورٹ کا فیصلہ معطل کردیا اور الیکشن کمیشن کو آج ہی انتخابی شیڈول جاری کرنے کا حکم بھی دیا۔
تاہم الیکشن کمیشن کی جانب سے انتخابی شیڈول جاری کرنے سے قبل ہی اسحاق ڈار نے سوشل میڈیا پر الیکشن کمیشن کا شیڈول جاری کر دیا۔
چیف الیکشن کمشنر نے اسحاق ڈار کے سوشل میڈیا بیان کو مسترد کرتے ہوئے کہا کہ یہ جھوٹ ہے الیکشن کمیشن نے انتخابات کے شیڈول کا اعلان نہیں کیا۔
چیف الیکشن کمشنر نے کہا کہ ابھی تک انتخابی شیڈول جاری نہیں ہوا ، سوشل میڈیا پر جاری افواہیں غلط ہیں، الیکشن کمیشن تھوڑی دیر میں شیڈول جاری کرے گا۔
نجی نیوز چینل سے گفتگو میں انہوں نے کہا تھاکہ انتخابات کرانا الیکشن کمیشن کی ذمہ داری ہے، ن لیگ کے سابق سینیٹر نے انتخابی شیڈول مجھے بھیجا تھا اور پھر میں نے سوشل میڈیا پر انتخابی شیڈول جاری کیا۔
اسحاق ڈار نے کہا کہ نجی نیوز چینل پر خبر چلنے کے بعد معلوم ہوا کہ میں نے جعلی انتخابی شیڈول سوشل میڈیا پر جاری کیا،جعلی انتخابی شیڈول جاری کرنے پر معذرت کرتا ہوں۔