الیکشن کمیشن نے تحریک انصاف سے انٹرا پارٹی الیکشن سے متعلق 7دسمبر کو وضاحت مانگی تھی، تحریک انصاف نے 8 دسمبر کو اپنا جواب الیکشن کمیشن میں جمع کروایا۔
ذرائع کے مطابق تحریک انصاف کے انٹراپارٹی انتخابات بادی النظر میں پارٹی آئین سے متصادم ہیں، الیکشن کمیشن اطمینان کے بعد ہی انٹرا پارٹی الیکشن پر سرٹیفکیٹ جاری کرنےکا مجاز ہے۔
انٹرا پارٹی الیکشن کیخلاف ویڈیو ثبوت الیکشن کمیشن میں پیش، پی ٹی آئی کو نوٹس جاری، الیکشن کمیشن نے وضاحت کیلئے تحریک انصاف کو ایک اور موقع دینے کا فیصلہ کرلیا۔
الیکشن کمیشن نے تحریک انصاف کو مزید موقع دیتے ہوئے 18دسمبر کو طلب کرلیا،خیال رہے کہ گزشتہ دنوں الیکشن کمیشن کے حکم پر ہونے والے پی ٹی آئی کے انٹراپارٹی انتخابات کو اکبر ایس بابر سمیت کئی افراد نے چیلنج کر رکھا ہے اور اس حوالے سے الیکشن کمیشن میں ایک سماعت بھی ہوئی ہے۔