مسلم لیگ (ن)کے صدر شہباز شریف نے کہا ہےکہ عوام کو مہنگائی سے نجات دلوائیں گے، متفقہ قومی معاشی منشور ہی پاکستان کو مسائل کی دلدل سے نکال سکتا ہے۔
انتخابات میں کامیابی ملی تو نواز شریف کی قیادت میں قومی ترقی کے معاشی منشور پر عمل کریں گے، چارٹر آف اکانومی کی تجویز قائد حزب اختلاف کے طور پر دی تھی جس پر آج پوری قوم متفق ہو چکی ہے.
سیاسی اور جذباتی بیانات سے نہیں پالیسی اقدامات سے معیشت بحال اور عوام کو مہنگائی سے نجات ملے گی، عوام مہنگائی سے نجات اور معاشی خوشحالی چاہتے ہیں۔
ہم روزگار مہیا کریں گے اور غربت کا خاتمہ کریں گے، انشااللہ بجٹ خسارا کم کرنا ترجیحات میں شامل ہے، تاریخ گواہ ہے کہ عوام کو مہنگائی سے نجات صرف مسلم لیگ (ن) دلاتی ہے۔
انتخابات میں مہنگائی سے عوام کو نجات دلانے کے لیے حصہ لے رہے ہیں، نواز شریف نے ہمیشہ پاکستان کی معیشت کو سنوارا، پورے پاکستان کو مساوی بنیادوں پر ترقی دی۔
ہم زرعی انقلاب لائیں گے، صنعت، معدنیات، آئی ٹی کے شعبوں میں مثالی ترقی ہوگی، 2000 ارب روپے کے زرعی پیکج نے معاشی بہتری اور زرعی شعبے کی بحالی میں اہم کردار ادا کیا۔
عوام انتخابات میں واضح اکثریت دیں تاکہ پاکستان کو معاشی خود انحصاری ملے اور عوام کو مہنگائی سے نجات ملے، برآمدات میں اضافہ کرکے معاشی پائیداری یقینی بنائیں گے۔