فیض آباد دھرنا ختم کرانے کا فیصلہ حکومت کا تھا، معاہدے کا ڈرافٹ میں نے نہیں دیکھا،سابق وزیراعظم شاہد خاقان عباسی فیض آباد دھرنا تحقیقاتی کمیشن کے سامنے پیش ہوگئے۔
دھرنا کمیشن نے تحقیقات کیلئے شاہد خاقان عباسی کو سوالنامہ دیا، انہیں 4 صفحات پرمشتمل سوالنامہ پر 32 کے قریب سوالات ہیں۔
اس حوالے سے شاہد خاقان عباسی کا کہنا تھاکہ مجھے کمیشن کی جانب سے ایک ٹیلی فون کال پربلایا گیا تھا، دھرنا ختم کرنے کیلئے معاہدہ حکومت کی جانب سے کیا گیا۔
دھرنے میں اگرکسی نے قانون توڑا تو قانونی کارروائی ہونی چاہیے، معاہدے کا ڈرافٹ میں نے نہیں دیکھا، دھرنا ختم کرانےکا فیصلہ حکومت کا تھا۔