پاکستان تحریک انصاف کے چیئرمین عمران خان پارٹی چیئرمین شپ سے دستبردار ہوگئے ہیں اور وہ انٹرا پارٹی انتخابات میں چیئرمین کے امیدوار نہیں ہوں گے۔
عمران خان نے جیل سے پارٹی کی کور کمیٹی کو پیغام پہنچا دیا، توشہ خانہ کیس میں سزا کے باعث انٹراپارٹی الیکشن میں بطور چیئرمین نیا امیدوار ہوگا اور انٹراپارٹی انتخابات میں دوسرا رکن بطور چیئرمین منتخب کیا جائے گا۔
نیا پارٹی چیئرمین منتخب کرنے کا فیصلہ جمعہ کو ہوگا، ابھی تک پی ٹی آئی کے چیئرمین سے متعلق فیصلہ نہیں ہوا، چیئرمین پی ٹی آئی قانونی قدغن کی وجہ سے انٹراپارٹی الیکشن حصہ نہیں لے رہے۔
ترجمان پی ٹی آئی شعیب شاہین نے کہا کہ ابھی تک کسی نام کا بحیثیت چیئرمین پارٹی فیصلہ نہیں ہوا، عمران خان سے ملاقات کے بعد نئے پی ٹی آئی چیئرمین کے نام کا فیصلہ ہوگا۔