پاک فوج کے شعبہ تعلقات عامہ( آئی ایس پی آر) کے مطابق سکیورٹی فورسز نے جنوبی وزیرستان کے علاقے سراروغہ میں انٹیلی جنس بیسڈ آپریشن کیا۔
آئی ایس پی آر کے مطابق آپریشن کے دوران سکیورٹی فورسز اور دہشت گردوں کے درمیان فائرنگ کا تبادلہ ہوا ، ہلاک دہشت گرد سکیورٹی فورسز اور شہریوں کے خلاف متعدد کارروائیوں میں ملوث تھے۔
آئی ایس پی آر نے کہا کہ ان سے اسلحہ اور دھماکا خیز مواد بھی برآمد کرلیا گیا ہے، علاقےمیں دہشت گردوں کے خاتمے کے لیے کلیئرنس آپریشن جاری ہے ،سکیورٹی فورسز ملک سے دہشت گردی کے خاتمے کے لیے پرعزم ہیں۔