لاہور کے چاروں حلقوں میں ضمنی الیکشن کی انتخابی مہم چیئرمین تحریک انصاف عمران خان نے خود چلانے کا فیصلہ کیا ہے۔ عمران خان رواں ہفتے لاہور آئیں گے۔ ذرائع کے مطابق لاہور کے چاروں حلقوں میں جلسوں اور ریلیوں کے لیے بھی پلان تیار کیا جا رہا ہے۔ چاروں حلقوں میں انتخابی جلسوں سے عمران خان خود خطاب کریں گے۔ ذرائع کے مطابق چاروں حلقوں میں جلسوں کے ساتھ ریلیاں نکالنے کی بھی تجویز زیر غور ہے۔ ان ریلیوں کی قیادت عمران خان کریں گے۔ چیئرمین تحریک انصاف ہفتے کو لاہور میں ورکرز کنونشن سے بھی خطاب کریں گے۔