ترجمان اینٹی کرپشن ملتان کے مطابق پی ٹی آئی کے 2 سابق ایم این ایز کے خلاف مقدمات درج کیے گئے ہیں،وہاڑی میں سرکاری اسکیموں میں خوردبرد، ناقص مٹیریل کے استعمال اور سرکاری خزانے کو 90 لاکھ روپے کا نقصان پہنچانے کے الزام میں چوہدری طاہر اقبال کے خلاف مقدمہ درج کیا گیا ہے۔
لودھراں میں من پسند ٹھیکیدار کو ٹھیکہ دلوانے اور کمیشن لینے کے الزام میں سابق ایم این اے میاں شفیق ارائیں کے خلاف بھی مقدمہ درج کیا گیا ہے، ملزمان کی گرفتاری کیلئے چھاپے مارے جا رہے ہیں۔