پاکستان مسلم لیگ ن کے سینیئر رہنما اور سابق وفاقی وزیر احسن اقبال نے کہا کہ آصف علی زرداری کی شاید اپنے بارے میں رائے ہوگی کہ وہ 172 سیٹیں نہیں لے سکتے، ہم اکثریتی سیٹوں پر کامیابی حاصل کریں گے۔
ملک کی تینوں بڑی جماعتوں میں اگر کسی کے پاس ڈیلیور کرنے کی صلاحیت ہے تو وہ مسلم لیگ ن ہے، اس لیے ہمیں اُمید ہے کہ ہم 172 کی لائن کو کراس کرکے اکثریت حاصل کریں گے۔
سابق صدر آصف علی زرداری نے کہا تھا کہ ملک میں آئندہ الیکشن کے نتیجے میں مخلوط حکومت بنے گی، ہم ن لیگ کے ساتھ نہ چل سکے اور ن لیگ ہمارے ساتھ نہ چل سکے، یہ بات وقت سے پہلے ہے۔
ہم اپنی پارٹی کے الیکشن پربات کرسکتے ہیں، دوسری پارٹی کے الیکشن پر نہیں، پارٹی الیکشن پرچی پر نہیں، عوام کی رائے پر ہوتا ہے۔