تحریک انصاف کے رہنما مونس الہٰی کو وطن واپس لانے کے لیے نگراں حکومت نے انٹرپول سے رابطہ کرلیا، ایف آئی اے نے مونس الہٰی کی واپسی کے لیے انٹرپول حکام سے رابطہ کیا ہے۔
ان کے خلاف مقدمات کی تمام تفصیلات شیئر کی ہیں۔ مونس الہٰی کی گرفتاری کے لیے ریڈ نوٹس جاری کروانے کا عمل شروع کردیا گیا ہے، ماضی میں مطلوب مجرموں کی پاکستان حوالگی کی مثالیں موجود ہیں۔
مونس الہٰی کے بینک اکاؤنٹس اور جائیدادوں کو منجمد کردیا گیا ہے۔ مونس الہٰی نے اپنے مختلف اکاؤنٹس سے 48 کروڑ روپے نکلوائے۔ یہ رقم منی لانڈرنگ میں استعمال ہوئی۔
ذرائع کے مطابق نگراں پنجاب حکومت نے مونس الٰہی کے حوالے سے تمام ڈیٹا ایف آئی اے کے حوالے کر دیا ہے۔ ایف آئی اے اور نگراں وفاقی حکومت نے نگراں پنجاب حکومت سے ڈیٹا مانگا تھا۔