نواز شریف خلیجی ائیر لائن کے طیارے بوئنگ سیون تھری ایٹ کے ذریعے پاکستان پہنچیں گے،سی اے اے سے 21 اکتوبر کو دن ساڑھے 12 بجے لینڈنگ کی اجازت طلب کی تھی۔
سی اے اے نے خلیجی ائیرلائن کی خصوصی پرواز نمبر 4525 کو اسلام آباد ائیرپورٹ پر لینڈنگ کی اجازت دے دی ہے،خصوصی طیارہ دن ڈھائی بجے اسلام آباد سے لاہور روانہ ہوگا، طیارہ دن 3 بج کر 20 منٹ پر لاہور پہنچے گا۔
نواز شریف دبئی میں اپنی صاحبزادی اسما نواز اور داماد علی ڈار کے ساتھ ایمریٹس ہلز میں قیام کر رہے ہیں۔ حسین نواز اور حسنین ڈار بھی سابق وزیراعظم کے ہمراہ ہیں۔
نواز شریف نے آج صبح کو جدہ سے دبئی کی پرواز چھوڑ دی تھی، ایک اہم میٹنگ کی وجہ سے کچھ وقت مزید سعودی عرب میں رک گئے تھے۔
لاہور میں نواز شریف کی جلسہ گاہ اور اطراف کی سڑکوں پر 12 ہزارپولیس اہلکار اور 3 ہزار ٹریفک وارڈنز ڈیوٹی دیں گے، قافلوں کیلئے بند روڈ اور رنگ روڈ کے قریب پارکنگ ہوگی۔