شہباز شریف نے محمد بن زید سے خلیفہ بن زایدآل نہیان کی وفات پر تعزیت کی۔ وزیراعظم لندن سے واپسی پر گزشتہ شب متحدہ عرب امارات پہنچے تھے۔
دوسری جانب صدرمملکت ڈاکٹر عارف علوی نے شیخ محمد بن زایدآل نہیان کو یواے ای کا صدر بننے پر مبارکباد دی ہے۔
ایوان صدر سے جاری بیان میں صدر مملکت کا کہنا ہے کہ پاکستان یو اے ای کیساتھ تعلقات کو انتہائی قدر کی نگاہ سے دیکھتا ہے، امید ہے یواے ای شیخ محمد بن زایدآل کی قیادت میں ترقی کی مزید منازل طے کرے گا۔
واضح رہے کہ 13 مئی کو متحدہ عرب امارات کے صدر 73 برس کی عمر میں وفات پا گئے تھے۔ شیخ خلیفہ 2004 سے متحدہ عرب امارات کے صدر تھے