الیکشن واچ ڈوگ فری اینڈ فیئر الیکشن نیٹ ورک (فافن) نے کہا کہ قومی و صوبائی اسمبلیوں کے بیس فیصد سے زائد 180 حلقوں کی آبادی میں کمی بیشی کی شرح 10 فیصد کی قانونی حد سے متجاوز ہے۔
فافن کے مطابق قومی اسمبلی کے سب سے بڑے حلقے NA-39 بنوں کی آبادی (1357890) سب سے چھوٹے حلقے NA-1 چترال اپر-چترال لوئر کی آبادی (515935) سے تقریباً تین گنا زیادہ ہے۔
پنجاب میں قومی اسمبلی کا سے بڑا مجوزہ حلقہ NA-49 اٹک ون ہے جس کی آبادی 1126142 ہے اور پنجاب میں سب سے چھوٹے حلقے NA-61 جہلم 2 جس کی آبادی 690683 ہے۔
پنجاب اسمبلی کا سب سے بڑا حلقہ PP-177 قصورتھری ہے جس کی آبادی 510875 ہے جبکہ سب سے چھوٹا حلقہ PP-84 خوشاب فور ہے جس کی آبادی 359367 ہے۔
خیبرپختونخوا اسمبلی کا سب سے بڑا حلقہ PK-93 ہنگو (528902) اور سب سے چھوٹے حلقے PK-1 اپر چترال (195528) کی آبادی سے تقریباً تین گنا بڑا ہے۔
سندھ میں NA-209 سانگھڑ ون کی آبادی 1172516 ہے اور NA-221 ٹنڈو محمد خان کی آبادی 726119 ، PS-75 ٹھٹھہ ون کی آبادی 556767 ہے، PS-79 جامشورو ٹو کی آبادی 354505 ہے۔
بلوچستان میںNA-255 صحبت پور، جعفر آباد، اوستہ محمد، نصیر آباد کی آبادی 1124567 ہے جبکہ NA-261 کوئٹہ ون کی آبادی 799,886 ہے۔
بلوچستان میں PB-51 چمن 466218 آبادی کے ساتھ سب سے بڑا حلقہ ہے جو کہ سب سے چھوٹے حلقے PB-23 آواران سے ڈھائی گنا بڑا ہے جس کی آبادی 178,958 ہے۔