چیئرمین پی ٹی آئی کے خلاف سائفر کیس پیش رفت ہوئی ہے، ا س سلسلے میں رجسٹرار ہائی کورٹ نے آئندہ ہفتے کی کاز لسٹ جاری کردی ہے۔
چیئرمین پی ٹی آئی کی درخواست ضمانت کی سماعت چیف جسٹس عامر فاروق 25 ستمبر کو کریں گے۔ عدالت نے دلائل کے لیے ایف آئی اے کو نوٹس جاری کر رکھا ہے۔
واضح رہے کہ آفیشل سیکرٹ ایکٹ خصوصی عدالت نے چیئرمین پی ٹی آئی عمران خان کی درخواست ضمانت مسترد کر دی تھی، چیئرمین پی ٹی آئی کی اٹک سے اڈیالہ جیل منتقلی کی درخواست پر اسلام آباد ہائی کورٹ نے فیصلہ محفوظ ہونے کے بعد کیس دوبارہ سماعت کے لیے مقرر کردیا۔
عدالت نے کچھ روز قبل دلائل مکمل ہونے کے بعد فیصلہ محفوظ کیا تھا،واضح رہے کہ بعض قانونی نکات کی مزید وضاحت کے لیے عدالت کیس دوبارہ مقرر کرتی ہے۔