دو شناختی کارڈ اور دو پاسپورٹ رکھنے والوں کیلئے وارننگ جاری

وزارت داخلہ نے دو شناختی کارڈ اور دو پاسپورٹ رکھنے والوں کیلئے ایمنسٹی سکیم لانے کا اعلان کر دیا ہے۔ ملک بھر میں 38 ہزار سے زائد افراد کے پاس دو شناختی کارڈ اور دو پاسپورٹ موجود ہیں۔ دو پاسپورٹ اور دو شناختی کارڈ رکھنے والے افراد نے نادرا حکام کی ملی بھگت سے جعلسازی کی۔ ان افراد نے جعلسازی سے دو سٹیزن شپ نمبر بھی حاصل کر رکھے ہیں۔

ایمنسٹی سکیم کے تحت ان افراد کو ایک شناختی کارڈ اور ایک پاسپورٹ بنانے کی اجازت دی جا رہی ہے۔ ذرائع وزارت داخلہ کے مطابق دو شناختی کارڈ اور دو پاسپورٹ رکھنے پر تین سال سزا ہوسکتی ہے۔ ایمنسٹی کی سہولت ایسے افراد کو حاصل نہیں ہوگی، جو کسی جرم میں ملوث، قید یا سزا یافتہ ہوں گے۔