ملک بھرمیں بجلی چوری کے خلاف کریک ڈاؤن کا سلسلہ جاری ہے،چار روز کی کاروائیوں کے دوران 80 لاکھ یونٹ سے زائد بجلی چوری پکڑی گئی،پاور ڈویژن ذرائع کے مطابق ملک بھر میں بجلی چوروں کو اب تک 35.2 کروڑ روپے جرمانہ عائد کیا گیا،بجلی چوری کے 4 ہزار 702 کیسز پکڑے گئے ،چوروں کے خلاف 1ہزار 529 ایف آئی آرز درج کی گئیں ہیں۔
ذرائع کے مطابق ملک بھر میں بجلی چوروں کے خلاف 4ہزار 54درخواستیں متعلقہ تھانوں میں دی گئیں،سات سے 11 ستمبر بجلی چوروں کے خلاف کاروائی میں 194 افراد گرفتار ہوئے،بجلی چوری میں ملوث لاہور الیکٹرک سپلائی کمپنی کا ایک ملازم بھی گرفتارکرلیا گیا ہے،میپکو اور لیسکو میں سب سے زیادہ بجلی چوری کے کیسز پکڑے گئے۔
ملتان الیکٹرک سپلائی کمپنی ریجن میں بجلی چوری کے 1ہزار 317 کیسز رپورٹ ہوئے،میپکو ریجن میں چار روزہ کاروائیوں میں 556 افراد کے خلاف ایف آر آرز درج کروائی گئیں،لاہور الیکٹرک سپلائی کمپنی ریجن میں 1 ہزار 159کیسز رپورٹ ہوئے،لیسکو ریجن میں بجلی چوروں کے خلاف اب تک 715 ایف آئی آرز درج کی گئیں،گیپکو ریجن میں 128،فیسکو میں 201 اور آئیسکو میں 95 بجلی چوری کے کیسز رپورٹ ہوئے ،پیسکو ریجن میں اب تک 296،حیسکو 627کیسکو475 اور سیپکو سے 344 کیسز رپورٹ کئے گئے۔