وفاقی کابینہ نے جولائی اگست میں بلوں کی وصولی آئندہ ماہ قسطوں میں کرنے کی اصولی منظوری دے دی، حتمی فیصلہ آئی ایم ایف سے منظوری کے بعد نافذ العمل ہوگا۔
بجلی کی قیمتوں میں اضافے کا بحران شدت اختیار کر گیا یے۔ وزیراعظم انوار الحق کی صدارت میں دو اجلاس ہوئے۔ جن میں کوئی فیصلہ نہ ہوسکا تاہم اج معاملہ وفاقی کابینہ میں پہنچ گیا۔
ڈسکوز اورواپڈا ملازمین کے مفت یونٹس کامعاملہ توانائی کمیٹی کوبھیج دیاگیا، آئی ایم ایف کی رضا مندی کے بعد صارفین کے لیے ریلیف کا اعلان کیا جائے گا۔ اعلان جلد متوقع ہے۔
اجلاس میں پاور ڈویژن کی جانب سے عوامی کو ریلیف دینے سے متعلق کئی تجاویز پیش کی گئیں جن پر بحث کے بعد کابینہ نے جولائی اور اگست کے بلز قسطوں میں لیے جانے کی منظوری دے دی۔
ڈسکوز اور واپڈا کے ملازمین کو مفت بجلی ملنے کا معاملہ بھی کابینہ اجلاس میں زیر بحث لایا گیا۔ وزیراعظم کی ہدایت پر ڈسکوز اور واپڈا ملازمین کے مفت یونٹس کا معاملہ توانائی کمیٹی کو ارسال کردیا گیا اس پر مزید بات کی جائے گی۔