الیکشن کمیشن میں ممبر نثار درانی کی سربراہی میں 4 رکنی کمیشن نے کیس کی سماعت کی، جس میں پی ٹی آئی کے چیف الیکشن کمشنر بیرسٹر گوہر الیکشن کمیشن میں پیش ہوئے ۔
بیرسٹر گوہر نے الیکشن کمیشن کو بتایا کہ تفصیلی جواب میں تمام حقائق واضح ہیں،لائل دینے کے لیے الیکشن کمیشن سے دو ہفتے کا وقت مانگ لیا۔
ممبر الیکشن کمیشن نثار درانی نے استفسار کیا کہ کیا آپ جواب کی روشنی میں دلائل آج دینا چاہیں گے؟الیکشن کمیشن نے بیرسٹر گوہر کو دلائل کے لیے دو ہفتے کا وقت دینے کی استدعا منظور کر لی۔
ممبر نثار درانی نے کہا کہ ہم اس کیس کو بہت زیادہ نہیں لٹکا سکتے۔ الیکشن کمیشن آئندہ عام انتخابات کے لیے زیادہ تر سیاسی جماعتوں کو انتخابی نشان الاٹ کر چکا ہے۔
دلائل مکمل ہونے کے بعد پی ٹی آئی کو انتخابی نشان الاٹ کرنے کے حوالے سے فیصلہ کریں گے، الیکشن کمیشن نے پی ٹی آئی انٹر پارٹی الیکشن کیس کی سماعت 13 ستمبر تک ملتوی کر دی۔