دریائے ستلج میں سیلاب، درجنوں دیہات ڈوبنے سے ہزاروں افراد کا انخلا

بہاولنگر میں ہزاروں ایکڑ فصلیں اور املاک تباہ ، سیلابی پانی رہائشی ڈیروں اور مکانوں میں داخل، اسکول اور بجلی بند ہونے سے معمولات زندگی درہم برہم ہو گیا۔

موضع بھٹیاں اور قادر بخش بند ٹوٹ گئے ہیں۔ سیلابی ریلے سے پنجاب کی کئی بڑی آبادیاں، درجنوں بستیاں اور موضع جات زیر آب آ گئے

بورے والا کے متاثرہ علاقوں میں قائم فلڈ ریلیف کیمپس میں سہولیات ناپید ہیں اور سیلاب سے بے گھر ہونے والے افراد پریشانی کا شکار ہیں۔
قبولہ کے علاقے میں نورارتھ بند پر نوجوان سیلابی ریلے میں بہہ گیا۔ بہاولنگر میں بھی کھانے پینے کی شدید قلت ہے،بہاولنگر ضلع میں ہیڈ سلیمانکی پر اونچے درجے کا سیلاب ہے

جہاں متعدد عارضی حفاظتی بند اور سڑکیں ٹوٹ گئیں اور 80 سے زائد دیہات کے زمینی راستے منقطع ہوگئے۔ درجنوں آبادیاں سیلاب کی لپیٹ میں آ گئے۔