وزیراعلیٰ خیبرپختونخوا علی امین گنڈا پور نے کہا ہے کہ پی ٹی آئی رہنماؤں کے درمیان اختلافات کوئی بڑی بات نہیں۔
میڈیا سے گفتگو کرتے ہوئے وزیراعلیٰ کے پی علی امین گنڈاپور کا کہنا تھا کہ گھرکے اندر بھی اختلاف ہوتے ہیں، ہماری پارٹی اور نظریہ ایک ہے، پارٹی کا لیڈربھی ایک ہی ہے، پارٹی میں ہم پہلے ورکر اور پھرعہدیدار ہیں۔
انہوں نے کہا کہ پی ٹی آئی کے رہنماؤں کے درمیان موجود اختلافات کوئی بڑی بات نہیں ہے۔
وزیر اعلیٰ خیبرپختونخوا نے مزید کہا کہ پارٹی نے جب بھی احتجاج کی کال دی، ہم تیار ہیں، اس بار پارٹی کی کال پر بھرپور تیاری کے ساتھ احتجاج کریں گے۔