وفاقی وزیر اطلاعات عطاء تارڑ کا کہنا ہےکہ بانی پی ٹی آئی سے ملاقاتیں نہ ہونے کی بات سیاسی شعبدے بازی ہے، اتنی ملاقاتیں تاریخ میں کسی سیاسی رہنماء کی نہیں ہوئیں۔
ایک بیان میں عطاء تارڑنے کہا کہ عمران خان سے ملاقاتیں نہ ہونے کی بات سیاسی شعبدے بازی ہے، اتنی ملاقاتیں تاریخ میں کسی سیاسی رہنماء کی نہیں ہوئیں، لگتا ہے وہ جیل میں نہیں بلکہ چھٹیاں منانے گئے ہوئے ہیں۔
انہوں نے کہا کہ اُن کی پارٹی میں علیمہ اور بشریٰ سمیت 8، 10 گروپس ہیں، سمجھ نہیں آتا کون ساگروپ کس کی ملاقاتیں روک رہا ہے، یہ آپس میں لڑنے کے لیے خود کافی ہیں، ہمارے پاس اتنا وقت نہیں کہ ہم سوچیں پی ٹی آئی کو کیسے تقسیم کرنا ہے، اس میں حکومت یا اسٹیبلشمنٹ کا کوئی کردار نہیں ہے۔
وفاقی وزیر نے مزید کہا کہ پیپلزپارٹی کے تحفظات کو بات چیت سے دورکریں گے، پیٹرولیم لیوی بڑھانے سے کسی پر اضافی بوجھ نہیں پڑا۔