کراچی میٹروپولیٹن کارپوریشن (کے ایم سی) نے میونسپل چارجز میں مزید اضافے کی تجویز دے دی۔
حکام کے مطابق مونسپل ٹیکس میں اضافے کی تجویز سٹی کونسل میں پیش کی جائےگی، شہری سہولتوں میں بہتری کے لیے میونسپل ٹیکس میں معمولی اضافہ کیا ہے۔
حکام کا بتانا ہے کہ صارفین سےحاصل شدہ رقم شہری سہولتوں پرخرچ کی جائےگی تاہم 50 یونٹ تک بجلی کا بل ادا کرنے والے شہری میونسپل چارجز سے مستثنیٰ ہوں گے۔
تجویز کے مطابق 51 سے 200 یونٹ تک بجلی استعمال کرنے والے شہری 30 روپے کے اضافے کے ساتھ 50 روپے چارجز ادا کریں گے جبکہ 201 سے 300 یونٹ تک بجلی استعمال کرنےوالے شہری 50 روپے اضافے کے ساتھ 100 روپے چارجز اداکریں گے۔
301 سے400 یونٹ بجلی استعمال کرنے والے شہری 100 روپے اضافے کے بعد 200 روپے چارجز دیں گے جبکہ 401 سے 500 یونٹ بجلی استعمال کرنے والے 100 روپے اضافے کے بعد 225 روپے ادا کریں گے۔
کے ایم سی کی تجویز کے مطابق 501 سے 600 یونٹ استعمال کرنے والے 125 روپے اضافے سے 275 روپے اداکریں گے جبکہ 601 سے 700 یونٹ استعمال کرنے والے شہری 125 روپے اضافےکے بعد 300روپےجارجز دیں گے۔
700 یونٹ سےزائد بجلی استعمال کرنے والوں کے لیے 450 روپے اضافے سے 750 روپے چارجز کی تجویز دی گئی ہے۔
اس کے علاوہ جنرل سروسزپر600، کمرشل صارفین پر 550 اور صنعتی صارفین پر 750 روپے چارجزکی تجویز ہے۔