سندھ ہائی کورٹ نے لاپتہ افراد کی بازیابی کے معاملے پر آئی جی، ڈی جی رینجرز سندھ اور دیگر کو نوٹس جاری کر دیئے۔
سندھ ہائی کورٹ میں 5 لاپتہ افراد کی بازیابی سے متعلق درخواستوں پر سماعت ہوئی، درخواست گزار کے وکیل نے عدالت کو بتایا کہ شہری مرتضیٰ گلشن اقبال سے 11 اپریل سے لاپتہ ہے۔
درخواست گزار کے وکیل نے مزید بتایا کہ شہری اکرم سکیم 33 سے 12 اپریل سے لاپتہ ہے جس پر عدالت نے آئی جی، ڈی جی رینجرز سندھ اور دیگر کو نوٹس جاری کرتے ہوئے ان سے 2 ہفتوں میں جواب طلب کر لیا۔
دوران سماعت زمان ٹاؤن سے لاپتہ نواز علی اور علی نواز کے اہل خانہ عدالت میں پیش نہ ہوئے، عدالت نے محمد نقشبندی کی بازیابی سے متعلق درخواست پر سماعت بھی ملتوی کر دی۔