جماعت اسلامی کا عام انتخابات میں کسی بھی سیاسی جماعت سے اتحاد نہ کرنے کا فیصلہ

جماعت اسلامی کی مرکزی شوری نے اتفاق رائے سے فیصلہ کیا ہے کہ جماعت اسلامی آئندہ الیکشن میں پی ٹی آئی، پیپلز پارٹی اور مسلم لیگ (ن) سمیت کسی بھی سیاسی جماعت کیساتھ انتخابی اتحاد نہیں کرے گی، بلکہ جماعت اسلامی اپنے ہی انتخابی نشان پر ہر حلقہ سے الیکشن لڑے گی۔ البتہ مقامی حلقوں کی صورتحال کے مطابق کسی بھی سیاسی جماعت کیساتھ سیٹ ٹو سیٹ ایڈجسٹمنٹ کا آپشن جماعت نے کھلا رکھا گیا ہے اور یہ سیٹ ٹو سیٹ ایڈجسٹمنٹ کسی بھی پارٹی کیساتھ جماعت کی مقامی لیڈر شپ حلقہ کی صورتحال کے مطابق کرے گی۔

جماعت اسلامی کے ذرائع کا کہنا تھا کہ جماعت اسلامی کی مرکزی شوری الیکشن میں کسی بھی جماعت کیساتھ انتخابی اتحاد کرنے کے حوالے سے غور و غوص کر چکی ہے، جس میں اتفاق رائے سے یہ فیصلہ ہو گیا ہے کہ جماعت کو کسی بھی جماعت کیساتھ انتخابی اتحاد نہیں کرنا چاہیے، بلکہ اپنی ایک الگ شناخت جو کہ اب تک کی ساری صورتحال میں جماعت نے برقرار رکھی ہے، اس کے مطابق ہی ہمیں آئندہ بھی اپنی اسی الگ شناخت کو برقرار رکھتے ہوئے الیکشن میں جانا چاہیے۔

خبر کا کوڈ :991132