قومی ایئر لائن پی آئی اے نے قبل از حج آپریشن کا اعلان کر دیا

0 6

قومی فضائی کمپنی (پی آئی اے) کی جانب سے قبل از حج آپریشن کا اعلان کر دیا گیا ہے۔

پاکستان انٹرنیشنل ایئرلائن (پی آئی اے) نے حج 2025ء کیلئے اپنے قبل از حج آپریشن کا اعلان کر دیا ہے، جو 29 اپریل سے یکم جون تک جاری رہے گا، اس دوران قومی ایئرلائن 280 خصوصی پروازوں کے ذریعے 56 ہزار سے زائد پاکستانی عازمین کو سعودی عرب پہنچائے گی۔

ذرائع کے مطابق رواں سال 20 ہزار عازمین سرکاری حج سکیم کے تحت جبکہ 36 ہزار پرائیویٹ سکیم کے تحت پی آئی اے کی پروازوں سے سفر کریں گے، عازمین کی روانگی کیلئے بوئنگ 777 اور ایئربس 320 طیارے استعمال کئے جائیں گے تاکہ سفر کو زیادہ آرام دہ اور منظم بنایا جا سکے۔

پی آئی اے کا بعد از حج آپریشن 12 جون سے شروع ہوگا جو 10 جولائی تک جاری رہے گا، جس کے دوران واپس آنے والے عازمین حج کو وطن پہنچانے کیلئے فلائٹس کا مربوط نظام ترتیب دیا گیا ہے۔

حکام کا کہنا ہے کہ تمام پروازیں وقت پر اور محفوظ طریقے سے مکمل کرنے کیلئے خصوصی انتظامات کئے گئے ہیں اور عازمین حج کو کسی بھی زحمت سے بچانے کے پیش نظر ہر ممکن سہولت فراہم کی جائے گی۔

جواب چھوڑیں

آپ کا ای میل ایڈریس شائع نہیں کیا جائے گا.