یوم علیؑ کی مناسبت سے منتخب وزیراعلی پنجاب حمزہ شہباز شریف نے پیغام جاری کرتے ہوئے کہا کہ رمضان المبارک کے مقدس مہینے میں شیر خدا، امیرالمومنین حضرت علی کرم اللہ وجہہ کی شہادت تاریخ اسلام کا المناک باب ہے۔ نومنتخب وزیراعلی پنجاب نے دین اور تاریخ اسلام میں حضرت علیؑ کی خصوصی حیثیت پر روشنی ڈالتے ہوئے کہا کہ حضرت علیؑ پیغمبر خدا سے براہ راست رشتے، تعلق اور سرپرستی کی بنا پر اسلام میں منفرد مقام کے حامل ہیں۔
حمزہ شہباز کا حیدر کرارؑ کے اوصاف کا ذکر کرتے ہوئے کہنا تھا کہ سیدنا علیؑ کی ذات کا خصوصی وصف عدل و انصاف کا نفاذ تھا اور حضرت علیؑ کی حیات مبارکہ عالم اسلام کیلئے ہمیشہ ہدایت اور روحانیت کا مرکز رہے گی۔ نومنتخب وزیراعلی حمزہ شہباز نے آج کے حکمرانوں کیلئے فاتح خیبرؑ کی ذات کی اہمیت کو اجاگر کرتے ہوئے کہا کہ امیرالمومنین حضرت علیؑ کے اقوال و فرامین حکمرانوں کیلئے روشن مثال ہیں کہ