خیبرپختونخوا کے محکمہ ابتدائی و ثانوی تعلیم نے اساتذہ اور طلبہ کا امتحان لینے کا فیصلہ کرلیا۔
محکمہ تعلیم کے مطابق امتحان کے دوران 2200 سکولوں میں طلبہ اور اساتذہ کا رینڈم ٹیسٹ لیا جائے گا، امتحان گریڈ 3، 5 اور گریڈ 8 کے طلبہ و طالبات کا لیا جائے گا، امتحان انگریزی ، اردو،ریاضی ،جنرل سائنس کے مضامین پر مشتمل ہوگا۔
امتحان کے لیے 50 فیصد طلبہ اور 50 فیصد طالبات کا انتخاب کیا جائے گا، امتحان 17 سے 19 مارچ تک جاری رہے گا، 6 ہزار تربیت یافتہ اساتذہ ٹیسٹ کے انعقاد میں حصہ لینگے، اس ٹیسٹ کی بنیاد پر تعلیمی اصلاحات اور اس میں بہتری لانے کا فیصلہ کیا جائے گا۔
محکمہ تعلیم کے مطابق امتحان پر 15 کروڑ روپے خرچ ہونگے، گزشتہ سال کے امتحان کے ساتھ اس امتحان کے نتائج کا موازنہ کیا جائے گا، امتحان کے بعد نصاب میں تبدیلی یا اساتذہ کی تربیت کا فیصلہ ہوگا۔