قرآن مجید کی توہین مسلمانوں کیلئے ناقابل قبول ہے، علامہ شیخ ہادی حسین نجفی

پاکستان میں آیت اللہ العظمیٰ شیخ یعقوبی کے نمائندے علامہ شیخ ہادی حسین نجفی نے سوئیڈن میں قرآن مجید کی بے حرمتی اور توہین کی شدید مذمت کرتے ہوئے کہا کہ قرآن مجید کی توہین مسلمانوں کے لئے ناقابل قبول ہے۔ انہوں نے کہا کہ سوئیڈن میں ڈنمارک کے ایک نسل پرستی شہری نے آزادی کے نام پر قرآن مجید کی توہین اور بے حرمتی کرکے مسلمانوں کی دل آزاری کی ہے اور ہم ڈنمارک کے نسل پرست عنصر کے توہین آمیز اقدام کی شدید الفاظ میں مذمت کرتے ہیں۔ علامہ شیخ ہادی حسین نجفی نے مزید کہا کہ ماہ مبارک رمضان میں اس طرح کی دانستہ بے ادبی سے سوئیڈن سمیت پوری دنیا کے مسلمانوں کے جذبات مجروح ہوئے ہیں۔